1 Corinthians 8
Study Bible
Food Sacrificed to Idols

Περὶ  δὲ  τῶν  εἰδωλοθύτων,  οἴδαμεν  ὅτι  πάντες  γνῶσιν  ἔχομεν.    γνῶσις  φυσιοῖ,    δὲ  ἀγάπη  οἰκοδομεῖ·  εἴ  τις  δοκεῖ  ἐγνωκέναι  τι,  οὔπω  ἔγνω  καθὼς  δεῖ  γνῶναι·  εἰ  δέ  τις  ἀγαπᾷ  τὸν  Θεόν,  οὗτος  ἔγνωσται  ὑπ’  αὐτοῦ. 

Περὶ  τῆς  βρώσεως  οὖν  τῶν  εἰδωλοθύτων  οἴδαμεν  ὅτι  οὐδὲν  εἴδωλον  ἐν  κόσμῳ,  καὶ  ὅτι  οὐδεὶς  Θεὸς  εἰ  μὴ  εἷς.  καὶ  γὰρ  εἴπερ  εἰσὶν  λεγόμενοι  θεοὶ  εἴτε  ἐν  οὐρανῷ  εἴτε  ἐπὶ  γῆς,  ὥσπερ  εἰσὶν  θεοὶ  πολλοὶ  καὶ  κύριοι  πολλοί,  ἀλλ’  ἡμῖν  εἷς  Θεὸς    Πατήρ,  ἐξ  οὗ  τὰ  πάντα  καὶ  ἡμεῖς  εἰς  αὐτόν,  καὶ  εἷς  Κύριος  Ἰησοῦς  Χριστός,  δι’  οὗ  τὰ  πάντα  καὶ  ἡμεῖς  δι’  αὐτοῦ. 

ἀλλ’  οὐκ  ἐν  πᾶσιν    γνῶσις·  τινὲς  δὲ  τῇ  συνηθείᾳ  ἕως  ἄρτι  τοῦ  εἰδώλου  ὡς  εἰδωλόθυτον  ἐσθίουσιν,  καὶ    συνείδησις  αὐτῶν  ἀσθενὴς  οὖσα  μολύνεται.  βρῶμα  δὲ  ἡμᾶς  οὐ  παραστήσει  τῷ  Θεῷ·  οὔτε  ἐὰν  μὴ  φάγωμεν  ὑστερούμεθα,  οὔτε  ἐὰν  ‹μὴ›  φάγωμεν  περισσεύομεν.  βλέπετε  δὲ  μή  πως    ἐξουσία  ὑμῶν  αὕτη  πρόσκομμα  γένηται  τοῖς  ἀσθενέσιν.  10 ἐὰν  γάρ  τις  ἴδῃ  σὲ  τὸν  ἔχοντα  γνῶσιν  ἐν  εἰδωλείῳ*  κατακείμενον,  οὐχὶ    συνείδησις  αὐτοῦ  ἀσθενοῦς  ὄντος  οἰκοδομηθήσεται  εἰς  τὸ  τὰ  εἰδωλόθυτα  ἐσθίειν;  11 ἀπόλλυται  γὰρ    ἀσθενῶν  ἐν  τῇ  σῇ  γνώσει,    ἀδελφὸς  δι’  ὃν  Χριστὸς  ἀπέθανεν.  12 οὕτως  δὲ  ἁμαρτάνοντες  εἰς  τοὺς  ἀδελφοὺς  καὶ  τύπτοντες  αὐτῶν  τὴν  συνείδησιν  ἀσθενοῦσαν  εἰς  Χριστὸν  ἁμαρτάνετε.  13 διόπερ  εἰ  βρῶμα  σκανδαλίζει  τὸν  ἀδελφόν  μου,  οὐ  μὴ  φάγω  κρέα  εἰς  τὸν  αἰῶνα,  ἵνα  μὴ  τὸν  ἀδελφόν  μου  σκανδαλίσω. 

Study Bible © 2011 - 2013 by Biblos.com in cooperation with Helps Ministries. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Section Headings Courtesy INT Bible © 2012, Used by Permission

Bible Hub

1 Corinthians 7
Top of Page
Top of Page