Psalm 99 BHS 1יהוה מלך ירגזו עמים ישב כרובים תנוט הארץ׃ 2יהוה בציון גדול ורם הוא על־כל־העמים׃ 3יודו שמך גדול ונורא קדוש הוא׃ 4ועז מלך משפט אהב אתה כוננת מישרים משפט וצדקה ביעקב אתה עשית׃ 5רוממו יהוה אלהינו והשתחוו להדם רגליו קדוש הוא׃ 6משה ואהרן בכהניו ושמואל בקראי שמו קראים אל־יהוה והוא יענם׃ 7בעמוד עןן ידבר אליהם שמרו עדתיו וחק נתן־למו׃ 8יהוה אלהינו אתה עניתם אל נשא היית להם ונקם על־עלילותם׃ 9רוממו יהוה אלהינו והשתחוו להר קדשו כי־קדוש יהוה אלהינו׃ Hebrew OT: BHS (Consonants Only) The text has been made available for scholarly, non-commercial applications. Please see the complete user declaration. For comparative study, where possible, chapter and verse numbers on Bible Hub sites are mapped to the traditional convention used by the KJV, NASB, NIV and others. Bible Hub |
    |