Psalm 97 BHS 1יהוה מלך תגל הארץ ישמחו איים רבים׃ 2עןן וערפל סביביו צדק ומשפט מכון כסאו׃ 3אש לפניו תלך ותלהט סביב צריו׃ 4האירו ברקיו תבל ראתה ותחל הארץ׃ 5הרים כדונג נמסו מלפני יהוה מלפני אדון כל־הארץ׃ 6הגידו השמים צדקו וראו כל־העמים כבודו׃ 7יבשו כל־עבדי פסל המתהללים באלילים השתחוו־לו כל־אלהים׃ 8שמעה ותשמח ציון ותגלנה בנות יהודה למען משפטיך יהוה׃ 9כי־אתה יהוה עליון על־כל־הארץ מאד נעלית על־כל־אלהים׃ 10אהבי יהוה שנאו רע שמר* נפשות חסידיו מיד רשעים יצילם׃ 11אור זרע לצדיק ולישרי־לב שמחה׃ 12שמחו צדיקים ביהוה והודו לזכר קדשו׃ Hebrew OT: BHS (Consonants Only) The text has been made available for scholarly, non-commercial applications. Please see the complete user declaration. For comparative study, where possible, chapter and verse numbers on Bible Hub sites are mapped to the traditional convention used by the KJV, NASB, NIV and others. Bible Hub |
    |